Il-Knisja l-Qadima ta' Santa Marija bdiet tinbena fil-bidu tas-seklu 17 u dejjem kienet meqjusa bħala monument mill-isbaħ, għalkemm għamlet żmien twil magħluqa. Fl-1950, il-Kapitlu ta' Santa Elena ta' Birkirkara ddecieda li jirrestawrha u reġgħet infetħet fl-1972. Wara ftit snin bħala knisja ta' Żona Pastorali Awtonoma għal dik il-parti ta' Birkirkara bejn Triq il-Wied u Triq l-Imdina, ġiet iddikkjarata Knisja Parrokkjali taht it-titlu tal-Verġni Marija Mtellgha s-Sema fit-8 ta' Mejju 2005.